നീ പിഴച്ചവള്‍,
ദിക്കറിയാത്ത കാറ്റു വഴികളോടിക്കിതച്ചിട്ടീ
നാല്‍വഴിക്കവലയില്‍
സ്തബ്ധ ഞാന്‍ നില്‍ക്കുമ്പോള്‍
പാതയോരത്തെ കൈചൂണ്ടി ചൊല്ലുന്നു
നീ പിഴച്ചവള്‍
അടുക്കള തോണ്ടിക്കിട്ടിയ
ഉറക്കിടത്തിലെന്‍ അച്ഛനുറങ്ങിയിട്ടില്ലാ - സ്വരം
കാലവും ഭേദിച്ചിരമ്പിയെത്തുന്നു
'ഒരു വിഷക്കുപ്പിയിലടങ്ങില്ല ജീവിതം'
കത്തിയോടുങ്ങാത്ത തീക്കനല്‍ ചൂടിലെന്‍
അമ്മ ഞരക്കങ്ങള്‍ ഇത്രമാത്രം
'കാശു കണക്കിലായ്കൂട്ടുമ്പോള്‍ എന്കുഞ്ഞേ
വാങ്ങു മറക്കാതെ യജ് ഞോപവീതവും'
ഒടുവിലീ കൈ ചൂണ്ടിപ്പലക തന്‍
നാവു ബന്ധിക്കാനും
എന്നിലവശേഷിക്കുന്നതിത്ര മാത്രം
എന്നോ നരച്ച കുന്നോളം പൂണൂലുകള്‍ ....
